Takaisin
 19.2.2021

Soađegili gielda čavge koronaávžžuhusaidis, astoáiggejoavkkuid mátkkošteapmi eará gielddaide ii ávžžuhuvvo

Koronadieđáhus 19.2.2021
 
Soađegili gielda mearridii bearjadaga 19.2.2021 čavget koronai laktáseaddji ávžžuhusaidis, danin go Lappi lea sirdásan koronaepidemiija vearránanmuddui. Soađegilis koronadilli lea dál ráfálaš, muhto ávžžuhusaiguin vigget eastadit dili vejolaš vearráneami.

Lappi buohccedikšunbiire lea 19.2.2021 ávžžuhan, ahte badjel 16-jahkásaš joavkodoaibma gaskkalduhtto mearreáigái 14.3.2021 rádjai ja ahte buohccedikšunbiire rájáid rasttildeaddji valáštallan- ja lihkadandáhpáhusat eai lágiduvvo mearreáiggi 25.1.2021 – 14.3.2021 siste. Ávžžuhusat gusket buot ahkásaččaid ovttaolbmo- ja joavkovalástallanšlájaid lihkadan- ja valáštallandáhpáhusaid sis- ja olgosajiiguin. Ávžžuhus ii goittotge guoskka riikajoavkkuid doaimma iige SM- ja 1-divišuvdnadási gilvodáhpáhusaid.

Lassin Lappi guovlohálddahusa ráddjehus gieldá buot sis- ja olgosajiiguin lágiduvvon álbmotdilálašvuođaid ja almmolaš čoahkkimiid, maidda oasálastet badjel 20 olbmo Lappi buohccedikšunbiire gielddaid guovllus. (AVI mearrádus fámus 22.2.-21.3.2021).

Soađegili gieldda jođihanjoavku lea ovttas jođiheaddji doaktáriin árvvoštallan dili ja addojuvvon ávžžuhusaid, ja mearridan Soađegili gieldda oasil čuovvovaš nana ávžžuhusaiguin.
Dál addojuvvon nanu ávžžuhusat bohtet fápmui dalán.

Soađegili gieldda ávžžuhusat 19.2.2021 rájes

  • Priváhta dilálašvuođaid lágideddjiide ávžžuhuvvo, ahte badjel 20 olbmo dilálašvuođat eai lágiduvvo.

  • Badjel 16-jahkásaččaid (sisd. rávesolbmot) sissajiin dáhpáhuvvi joavkoastoáiggedoaimma ávžžuhit gaskkalduhttot golmma vahkkui nappo 14.3. rádjai. Vuođđoskuvlaahkásaččat sáhttet joatkit astoáiggedoaimmaid koronaáigge go čuvvot dorvvolašvuođarávvagiid.

  • Oasálastima ovdamearkan guossespealuide eará báikegottis dahje guosseturneaid lágideami Soađegilis eat ávžžut.

  • Ávžžuhit gáiddusbarggu Soađegilli guovllus buot bargosajiide, main dat lea vejolaš.

  • Ámadadjomáskaávžžuhus viidu guoskat badjel 12-jahkásaš ohppiid sihke skuvlla ja árrabajásgeassima bargiid. Ávžžuhit ain atnit ámadadjomáskka buot almmolaš sissajiin, maiguin dorvogaskkaid ii sáhte doalahit. Ávžžuhit atnit máskka joavkojohtolaga lassin earret eará gávppiin, gávpeguovddážiin, girjerájuin, virgedáluin, museain ja restoráŋŋain sihke allaskuvllain, ja nuppi dási oahppolágádusain nappo logahagain ja ámmátskuvllain.

Soađegilis galgá čuovvut buot almmolaš dorvvolaš- ja hygieniijarávvagiid, Lappi buohccedikšunbiire rávvagiid koronavirusa leavvama eastadeapmái sihke Lappi guovlohálddahusa mearrádusaid dáhpáhusaid lágideami ektui. 

Päivitetty: 7.11.2018 22:05