Takaisin
 1.2.2021

Soađegili koronadilli lea ráfálaš, guovllu ja gieldda iežas ávžžuhusat jotkojuvvon

Koronadieđáhus 29.1.2021

Lappi buohccedikšunbire guovllus koronadilli lea ain vuođđodásis ja dilli Soađegilis ráfálaš. Riikkadásis COVID-19 dilli lea hedjonan ja váldooassi buohccedikšunbiriiguin leat sirdásan juogo leavvan- dahje vearránanmuddui.

Vai dilli bisošii ráfálažžan, lea ain dehálaš čuovvut addojuvvon doaibmavugiid ja ávžžuhusaid.

Soađegili gielda joatká čuovvovaš koronaávžžuhusaid ja -ráddjehusaid 28.2.2021 rádjai

Nanu ávžžuhus geavahit ámadeadjomáskka buot almmolaš sissajiin, dego joavkojohtolagas, gávppiiguin, restoráŋŋaiguin, almmolaš dáhpáhusaiguin ja -dilálašvuođaiguin jnv. sihke lagaskontávttain riskajoavkkuide gullevaččaid searvvis. THL ávžžuha 12 jagi deavdán olbmuide geavahit ámadeadjomáskka.

Nanu ávžžuhus garvit gallestallamiid sosiála- ja dearvvasvuođafuolahusa ovttadagain. Juos gallestallamat goittotge lágiduvvojit, berre ordnemis soahpat ovddalgihtii ovttadaga bargiiguin ja čuovvut ovttadaga gallestallanrávvagiid.

Nanu ávžžuhus garvit dárbbašmeahttun mátkkošteami. Gieldalaččaid ávžžuhit garvit mátkkošteami vearránan- ja leavvanmuttu guovlluide; ávžžuhus sisttisdoallá astoáigái gullevaš mátkkošteami, muhto ii vealtameahttun bargomátkkiid.

Lassin Lappi buohccedikšunbire ávžžuhusaid mielde gieldda lihkadansajiin ii oaččo lágidit valáštallan- ja lihkadandáhpáhusaid, maidda oasálastet valáštallit/joavkkut nuppi buohccedikšunbire guovllus dahje koronaepidemiija vearránan- ja leavvanmuttu guovlluiguin. Lassin gielda ávžžuha, ahte báikkálaš valáštallansearvvit ja searvvit eai oasálastte dáhpáhusaide nuppi buohccedikšunbire dahje vearránan- ja leavvanmuttu  guovllus 21.2.2021 rádjai.

Nanu ávžžuhus garvit borramuš- ja juhkamušfállama lágideami gieldda sajiin ordnejuvvon almmolaš dáhpáhusaiguin.

Lassin Soađegilis berre čuovvut buot almmolaš dorvvolašvuođa- ja hygienaijarávvagiid, Lappi Buohccedikšunbire bagadusaid eastadit koronavirusa leavvama sihke Lappi guovlohálddahusa mearrádusaid dáhpáhusaid lágideami birra. Lappi guovlohálddahusa ráddjehusat gildet guovvamánu loahpa rádjai Lappi buohccedikšunbire gielddaiguin buot sis- ja olgosajiin lágiduvvon almmolaš dilálašvuođaid ja almmolaš čoahkkimiid, maidda oasálastet badjel 50 olbmo.


Koronadestii galgá ohcalit vuollegis šielmmáin, boahkuhemiid ovdáneami birra dieđihuvvo sierra

Ále vuolgge buohccin almmolaš sajiide. Juos dus leat láivves koronavirusii čujuheaddji dávdamearkkat (gosahat, čottabávččas, nuorvu, feber, haksimis-smáhkemis nuppástusat, luhčadávda), ohcal koronadestii. Áiggi koronadestii sáhttá várret Soađegili gieldda koronarávventelefovnnas, juohke beaivve dmu 8-21, t. 040 128 5295.

Soađegili gielda sávvá ain buohkaiguin mášu vuordit iežas boahkuhanvuoru. Gieldda koronarávventelefovdnii dahje infekšuvnnaid vuostáváldimii ii dán muttus galggašii riŋget koronaboahkuheami áigetávvalii dahje boahku áigevárremii guoski áššiiguin. Gielda dieđiha boahkuhandili ovdáneamis aviissaid bokte, gieldda neahttasiiddus sihke sosiálalaš media bokte ja addá sierra rávvagiid boahkuid áigevárrema birra.

Áigeguovdilis koronadili sáhttá čuovvut čujuhusas: www.koronaturvallinenlappi.fi.

Päivitetty: 7.11.2018 22:05