Takaisin
 15.12.2020

Soađegili gielda joatká addojuvvon dorvorávvagiid ja ávžžuhusaid 10.1.2021 rádjai eastin dihte koronavirusa leavvama

Dieđáhus 15.12.2020

Soađegili gieldda njoammudávddaiguin vástideaddji doavttir Minna Jokinen lea addán ávžžuhusa joatkit báikegottis árat addojuvvon dorvorávvagiid ja ávžžuhusaid koronavirusepidemiija eastima dihte. Koronavirusdilli lea riikaviidosaččat hui duođalaš ja ballet dili vearránit Lappii boahtti juovlamátkkošteami dihte. Njoammumat leat leavvan earenoamážit bearrašiid, fulkkiid ja ustibiid gaskkas.

Jođiheaddji doaktára ávžžuhusas Soađegili gielda joatká čuovvovaš ráddjehusaid ja doaimmaid eastin dihte koronaepidemiija leavvama 10.1.2021 rádjai:

  • nanu njálbmesuodjeávžžuhus almmolaš sajiin dalle, go dorvogaskkaid ii leat vejolaš doallat; njálbmesuoji geavaheapmi ávžžuhuvvo maid nuppi dási oahppolágádusain ja allaskuvllain  

  • nanu ávžžuhus garvit gallestallamiid sosiála- ja dearvvasvuođafuolahusa ovttadagaide 

  • ávžžuhus garvit mátkkošteami vearránan- ja leavvanmuttus leahkki guovlluide; ávžžuhus sisttisdoallá astoáiggedoaimmaide laktáseaddji speallanmátkkiid ja eará dáhpáhusaid, muhto ii vealtameahttumit bargomátkkiid 

  • ávžžuhus garvit borramuša ja juhkamuša fállama gieldda sajiiguin lágiduvvon álbmotdilálašvuođaiguin  

Lassin Soađegilis galgá čuovvut buot almmolaš dorvvolašvuođa- ja hygienaijarávvagiid, Lappi buohccedikšunbire rávvagiid eastadit koronavirusa leavvama sihke Lappi guovlohálddahusdoaimmahaga mearrádusaid mat laktásit dáhpáhusaid lágideapmái.

Lappi buohccedikšunbire guovllus fámus leahkki rávvagiid gávdná čujuhusas www.koronaturvallinenlappi.fi

 

Earenoamáš fuolla ahkeolbmuid ja riskajoavkkuid dorvvolašvuođas

Jođiheaddji doaktára addán ávžžuhusa mielde galggašii giddet earenoamáš fuomášumi eastit virusa leavvama badjel 70 jahkásaččaide ja duođalaš vuođđobuhcciide, danin go sidjiide koronavirusinfekšuvdna sáhttá leat heakkaváralaš. Jokisa mielde maŋimuš beivviid áigge njoammumiid mearri lea sturron riikadásis earenoamážit ahkeolbmuid siste.  Jođiheaddji doavttir sávvá, ahte earenoamážit vearránan- ja leavvanmuttu guovlluiguin boahtti oapmahaččat garvvašedje gallestallamiid Sopukka akuhta- ja veajuiduhttinossodagas sihke beavttálmahttojuvvon bálvalanássama ovttadagaiguin. Maid ahkeolbmuid gallestallamat ruoktut juovlabasiid áigge dagahit stuorábun koronavirusriskka, danin go ruovttus dorvogaskkaid ja njálbmesujiid doalaheapmi lea hástaleaddji. Ossodagaiguin ja ássanbálvalanovttadagaiguin oapmahaččaid deaivvademiid galgá ordnet ovttas bargoveagain ja váldit vuhtii giehtahygieniija ja njálbmesujiid.

Jođiheaddji doavttir muittuha maid, ahte mátkkošteaddjit galget ohcalit koronadeasttaide, juos sis leat koronavirusa lágan dávdamearkkat.  Soađegilis leat geavahusas luohtehahtti koronavirusa antigenadeasttat, maiguin koronadeastta boađus čielgá jođánit.

 

 

 
 
 
 
 
 
 
 
 
 
 
 
 
 
Päivitetty: 7.11.2018 22:05

 Ajankohtaista