Takaisin
 7.12.2020

Soađegili Nutukasa joavkodestemat negatiivvalaččat, ahkeolbmuid ássanovttadagas máhccet árgabeaivái vuđolaš čorgema maŋŋá

Dieđáhus 7.12.2020

Soađegili ahkeolbmuid beavttálmahttojuvvon bálvalanássama ovttadaga Nutukas:is dahke lávvordaga 5.12.2020 vel maŋimuš plánejuvvon koronadeasttaid, ja bohtosat ledje fast-ain negatiivvalaččat. Dikšunbarggus máhccet epidemiija maŋŋá árgabeaivái go vuđolaš čorgen lea dahkkojuvvon. Maid Buresveadjinguovddáš Sopukka veajuiduhttinossodat lea máhccan normála doaimmaide.


Gallestallamiid sosiála- ja dearvvasvuođafuolahusa ovttadagaide galgá ain garvit

Soađegilis lea ain fámus nanu ávžžuhus garvit gallestallamiid Buresveadjinguovddáš Sopukka ossodagaide sihke sosiála- ja boarrásiiddoaimma ássanbálvalanovttadagaide.

Juos ovttadagaide plánejuvvojit gallestallamat, galgá daid soahpat álot ovddalgihtii bargiiguin ja váldit vuhtii Soađegili gieldda ja Lappi buohccedikšunbiire gallestallanbagadusa:

  • Juos gallestalliiguin leat vehášge infekšuvnna dávdamearkkat, dalle gallestallan ii leat vejolaš.
  • Gallestallama sáhttá dorvvolaččat ollašuhttit, go gallestallit ja pasieanta/ áššehas atnet kirurgalaš njálbmesuoji, fuolahit gieđaid bassamis ja doalahit 2m dorvogaskka. Lagaškontávtta galgá garvit (ii sallut).
  • Ovtta pasieantta/áššehasa ožžot gallestallat háválassii 1-2 olbmo.
  • Gallestallan dáhpáhuvvá ássi iežas lanjas/ visttis dahje eará bargi válljen báikkis dahje vejolašvuođaid mielde olgun.
  • Galgá garvit eará pasieanttaid/ áššehasaid.
  • Máksimaáigi gallestallamii lea 15 min.

 

Soađegili koronadilli lea ráfálaš

Soađegilis lea koronaepidemiija áigge gávnnahuvvon oktiibuot 59 njoammuma. Soađegilis eai leat gávnnahuvvon ođđa njoammumat beannot vahkkui, juos ii váldde vuhtii ovtta olgobáikegottálačča njoammuma mannan vahkus.

Vai báikegotti koronadilli bissu ráfálažžan, galgá ain čuovvut buot addojuvvon dorvorávvagiid ja ávžžuhusaid.
Päivitetty: 7.11.2018 22:05