Takaisin
 2.12.2020

Nutukasa joavkodestema bohtosat leat vuohon negatiivvalaččat, árat buohccán olbmot juo dearvvasnuvvan – Soađegilis ii oktage ođđa koronanjoammun vahkuloahpa áigge

Dieđáhus 30.11.2020 

Soađegili ahkeolbmuid beavttálmahttojuvvon ássanbálvalanovttadaga Nutukasa buot bargiiguin ja ássiiguin 30.11.2020 váldojuvvon koronadestema bohtosat ledje negatiivvalaččat. Maid koronai árat buohccán ássiid maŋimuš joavkodestema bohtosat ledje negatiivvalaččat.

Oassi Nutukasa ássiiguin leat ain karantenas dán vahku áigge, ja ovttadagas jotkojuvvojit ain beavttálmahttojuvvon suddjendoaimmat.

Vahkuloahpa áigge Soađegilis ii leat gávnnahuvvon oktage ođđa koronanjoammun. Maŋimuš njoammun gávnnahuvvui bearjadaga 27.11.2020 ja njoammun laktásii árat njoammunbálgái bearašdávdaluvvama dihte.

Oppalaččat Soađegilis leat koronaepidemiija áigge gávnnahuvvon 59 njoammuma. Báikegottis leat dál epidemiija vuođđodásis, muhto buot addojuvvon dorvorávvagiid ja ávžžuhusaid čuovvun lea ain dehálaš.


KORONAÁVŽŽUHUSAID BIRRA: 

Soađegilis leat ain fámus čuovvovaš ávžžuhusat ja ráddjehusat eastadan dihte koronavirusa leavvama:

  • nanu njálbmesuodjeávžžuhus lea ain fámus almmolaš báikkiiguin dalle, go dorvogaskkaid ii sáhte doalahit; nuppi dási skuvllaiguin ja allaskuvllaiguin ávžžuhuvvojit njálbmesuoji geavahit čakčalohkanbaji lohppii 22.12.2020 rádjai

  • nanu ávžžuhus garvit gallestallamiid sosiála- ja dearvvasvuođafuolahusa ovttadagaiguin joatkašuvvá 15.12.2020 rádjai; Nutukas -ovttadaga Tiuhta ja Peski -ossodagaid dievas gallestallangielddus joatkašuvvá doaisttážii

  • mátkkošteami koronavirusa vearránan- ja leavvanguovlluide galgá garvit 15.12.2020 rádjai, ávžžuhus sisttisdoallá astoáiggedoaimmaide laktáseaddji gilvomátkkiid ja eará dáhpáhusaid, muhto ii vealtameahttun bargomátkkiid

    FUOM: Lappi buohccedikšunbiire infekšuvnnaid eastadanovttadat lea bearjadaga 27.11.2020 addán ávžžuhusa, man mielde buohccedikšunbiire rájáid rasttildeaddji valáštallan- ja lihkadandáhpáhusat eai lágiduvvo gaskkal 30.11 – 20.12.2020. Ávžžuhus guoská buot ahkásaš oktonas- ja joavkošlájaid lihkadan- ja valáštallandáhpáhusaid sis- ja olgobáikkiiguin. Ávžžuhus ii goittotge guoskka riikajoavkkuid doaimma iige SM- ja 1-divišuvdnadási gilvalandáhpáhusaid.  

  • biepmo- ja juhkamušguossoheapmi almmolaš dáhpáhusaiguin gieldda lanjaiguin ja báikkiiguin ii ávžžuhuvvo, ávžžuhus lea fámus 15.12.2020 rádjai

Päivitetty: 7.11.2018 22:05

 Ajankohtaista