Takaisin
 21.11.2020

Ahkeolbmuid dikšunovttadahkii leavvan koronavirus lea dagahan viđa ássi jápmima, Soađegili gielddas ja Nutukas:is moraštit korona dihte vádjolan ássiid; eai ođđa njoammumat lávvardaga

Dieđáhus 21.11.2020

Koronavirus leavai ahkeolbmuid beavttálmahttojuvvon bálvalanássanovttadaga Nutukasa ossodagas ja mannan vahkus dat lea leamaš ássiide, oapmahaččaide ja bargiide fuolla ja moraš. Koronai buohccán ássit leamaš Nutukasas oktiibuot 11, ja bargiid gaskkas njoammumat leat gávnnahuvvon 10. Gollan vahku áigge vihtta Nutukasa ássi leat jápmán korona dihte. Gielddas ja Nutukas:s moraštit Covid-19 virusii jápmán olbmuid ja Soađegili gielddas liekkus oasiváldin oapmahaččaide.  

Nutukasa ássit ja bargit leat jeavddalaččat destejuvvon gávnnahan dihte koronavirusnjoammumiid. Dán vahkus guovtti maŋimuš Nutukasa joavkodestemis eai leat šat gávnnahuvvon ođđa njoammumat. Odne lávvardaga 21.11.2020 eahketbeaivvi rádjai ii leat gávnnahuvvon oktage ođđa njoammun. Oppalaččat Soađegilis leat gávnnahuvvon 56 koronanjoammuma, ja báikegottis leavvan njoammungeainnu leat ožžon ráfot. Boahtte vahkus Nutukas:ii leat plánen vel guokte joavkodestema mánnodaga 23.11.2020 ja gaskavahku 25.11.2020. Viiddes ja jeavddalaš joavkodestemiiguin leat nagodan jođánit gávdnat koronavirusii buohccán olbmuid ja virusguddiid dávdamearkkaid haga. Soađegili gielda deattuha, ahte buot addojuvvon dorvo- ja hygienaijarávvagiid čuovvun lea ain dehálaš.

Päivitetty: 7.11.2018 22:05

 Ajankohtaista