Takaisin
 10.11.2020

Soađegilis leat duođaštuvvon koronanjoammumat 12, njoammunáitaga vuolde 400 – buot ahkejoavkkut galget ohcalit gehppes ákkaiguin koronadestemii

Dieđáhus 3.11.2020

Soađegili gielddas ledje mánnodat eahkeda rádjai duođaštuvvon 12 koronanjoammuma. Njoammunáitaga vuollái leat šaddan lagabui njealječuođis. Njoammunlohku lea dál 144 njoammuma 100 000 olbmo siste.


Joavkonjoammumat máŋgga báikkis

Mearkkašahtti oassi njoammumiiguin laktása Soađedili jiekŋahállas dollojuvvon speallandáhpáhussii lávvordaga 24.10.2020. Báikegottis leat dáhpáhuvvan máŋggat joavkonjoammumat maŋimuš vahku áigge. Njoammumat leat dáhpáhuvvan goittotge Tähtikunta skuvllas, Soađegili jiekŋahálla friijavuoruiguin, Pahtavaara ja Kevitsa ruvkkiin ja Jeagárbrigádas. Buot maŋimuš joavkonjoammun lea dáhpáhuvvan girkosiidda ovdaskuvlajoavkkus, man oahpaheaddjit ja oahppit leat biddjojuvvon sirremii. Dát ovdaskuvlajoavku lea oasálastán maid iešguđege ovdaskuvlajoavkkuid oktasaš teáhterčájálmassii, gos leat dárkket čuvvon koronarávvagiid. Gielda dieđiha dili birra buot ovdaskuvllalaččaid fuolaheddjiide Wilma bokte ja rávve ohcalit destemii gehppes ákkaiguin.

 

Mánáid koronadesten beavttálmahttojuvvo, buot ahkásaččat destejuvvojit maid láivves dávdamearkkaid olis

Lappi buohccedikšunbiire lea árat rávven, ahte smávva mánáid láivves dávdamearkkaid sáhttá čuovvut ráfis vuos ruovttus, iige leat vealtameahttun ohcalit koronadestemii. Koronadilli jođánis nuppástuvvama dihte Soađegilis beavttálmahttojuvvo mánáid koronadesten. Buot mánáid, maid vuollel 7 jahkásaččat, galgá doalvut koronadestemii, juos sidjiide boahtá láivvesge vuoigŋan- dahje čoavjedávdamearkkat. 

 

Sirrenrávvagiid čuovvunmearrádus vuođđuduvvá láhkii

Soađegili gieldda jođiheaddji doavttir Minna Jokinen muittuha buot sirremii mearriduvvon olbmuid dili duođalašvuođas. Ii oktage biddjo sirremii gehppes ákkaiguin. Koronavirus lea árvvoštallojuvvon oppalaččat váralaš njoammundávdan, man leavvama geahččalit hihtudit njoammundávdalágas mearriduvvon vugiiguin. Nappo vejolaččat dávdaluvvan olbmui biddjojuvvon sirren lea mearriduvvon njoammundávdalága vuođul ja dan rihkun lea láhkarihkkumuš. Seamma guoská buohccán olbmo sirren. Juohkehaš galgá váldit ovddasvástádusa ráfáidahttit dili ja bissut sirremis sirrenmearrádusa mielde. Vuolleahkásaččaid buohta ovddasvástádus gullá vánhemiidda.

 

Jos dávdamearkkat dihttojit galgá dalán ohcalit koronadestemii ja váldit oktavuođa infekšuvnnaid vuostáváldimii

Váldde oktavuođa Soađegili gieldda koronarávvemii ja ohcal korona čájánasváldimii Buresveadjinguovddáš Sopukkai, juos dus leat veháge láivves koronavirusa dávdamearkkat: nuorvu, čottabávččas, feber, vuoigŋanváttisvuođat, deahkkebákčasat, váibasat, illáveaje, lužas dahje haksin- ja smáhkenváilevuođat.

Čájánasa váldin dáhpáhuvvá Sopukka infekšuvnna vuostáváldimis, man uvssa gávdnamii leat sierra rávvagat parkerenbáikkis. Sopukka bargit rávvejit telefovnnas čájánasa váldima birra.

Soađegili infekšuvdnavuostáváldin ja korona rávventelefovdna bálvala juohke beaivve dmu 8-21, t. 040 128 5295.



Gieldda koronadieđáhusat leat čohkkejuvvon gieldda ruovttusiidui sodankyla.fi > Koronadiehtu gieldda olbmuide. Njuolggoliŋka:  
http://www.sodankyla.fi/tietoa-sodankylasta/Pages/Koronadiehtu-gieldda-olbmuide.aspx

Päivitetty: 7.11.2018 22:05