Dieđáhus 9.11.2020

Soađegilis leat vahkuloahpas ja mánnodaga áigge gávnnahuvvon oktiibuot 14 ođđa koronanjoammuma. Váldooassi ođđasamos njoammumiiguin leat gávnnahuvvon ahkeolbmuid beavttálmahttojuvvon bálvalanássama ovttadagas, Nutukasis; nu bargiiguin go ássiiguin. Nutukasa njoammumiid lassin moadde njoammuma leat gávnnahuvvon árat bearašdávdaluvvamiid bokte. Mánnodat eahkeda rádjai Soađegilis leat gávnnahuvvon oktiibuot 39 koronavirusnjoammuma. Buot njoammumiid leat nagodan guorrat, ja dat laktásit seamma njoammunbálgáide. Jođánis destemiiguin ja beaktilis guorrama dihte virusa viiddis leavvama leat nagodan hávkadit, ja maid Nutukasis njoammumiid leavvama viggat ráddjet juohke áidna vejolaš láhkai.

Nutukasa guokte dávdaluvvan ossodaga leat karantenas ja gallestallangildosis, ja dat doibmet sierra Nutukasa guovtti eará ossodagas. Ossodagain, maiguin eai leat dávdaluvvamat, leat fámus nanu ávžžuhusat garvit gallestallamiid.