​Dieđáhus 26.11.2020

Ahkeolbmuid beavttálmahttojuvvon bálvalanássama ovttadat Nutukas joavkodestemis lea gávnnahuvvon ikte gaskavahku 25.11.2020 okta ođđa njoammun dikšáris, gii bargá ovttadagas. Dávdaluvvan olbmuid mearri lea stáđis. Nutukasa buot bargit ja ássit destejuvvojit ođđasit ihtin bearjadaga 27.11.2020 ja mánnodaga 30.11.2020.

Soađegilis leat dássážii gávnnahuvvon oktiibuot 58 koronanjoammuma. Soađegili gielda lea koronaepidemiija vuođđodásis, muhto buot addojuvvon dorvorávvagiid ja ávžžuhusaid čuovvun lea ain earenoamáš dehálaš eastadan dihte virusa leavvama.

Soađegili Buresveadjinguovddáža Sopukka akuhta- ja veajuiduhttinossodaga doaibma gáržžiduvvui skábmamánus ja pasieanttat sirdojuvvojedje dikšun láhkai ránnjágielddaide. Pasieantasirdimat dahke vejolažžan dikšubargiid bargonávccaid bidjama Nutukasa bálvalanássanovttadaga ássiid dikšumii. Ossodaga doaibma máhccá vehážiid mielde dábálažžan ja Sopukka veajuiduhttinossodat álgá doaimmas álggos 10-báikásažžan odne duorastaga 26.11.2020.