Koronadieđáhus 12.11.2020
Soađegili gielda joatká 1.1.2020 mearriduvvon ráddjendoaimmaid ja addojuvvon ávžžuhusaid ovttain vahkuin, 22.11.2020 rádjai. Joatkimin gieldda ráddjehusaid viggat dorvvastit dan, ahte koronaepidemiija ráfo.
Oppalaččat Soađegilis leat gávnnahuvvon oktiibuot 47 njoammuma, vejolaččat dávdaluvvan lohku lea sullii 490. Njoammunlohku lea maŋimuš guovtti vahku áiggis 540 njoammuma 100 000 olbmo siste. Soađegili gielda lea sirdásan koronanjoammumiid vearráneapmái ahkeolbmuid beavttálmahttojuvvon ovttadat Nutukasa njoammumiid dihte. Báikkálaš koronaepidemiija árat dávdaluvvamiiguin eai leat šat gávnnahuvvon ođđa njoammumat, muhto boahtte vahku áigge oaidnit Nutukasa njoammumiid váikkuhusa gieldda oppalaš dillái.
Nutukasa bargoresurssaid sihkkarastima dihte leat odne mearridan giddet Buresveadjinguovddáš Sopukka veajuiduhttinossodaga, ja veajuiduhttinossodaga bargit sirdásit bargat Nutukas:ii. Veajuiduhttinossodaga pasieanttat dikšojuvvojit lagaš gielddaiguin. Dál pasieanttat leat dolvojuvvon Pelkosenniemi seaŋgaossodahkii. Maid Avvila ja Gihttela gielddat leat gergosat váldit vuostá pasieanttaid Soađegilis.
Soađegili gieldda viiddiduvvon jođihangoddi lea árvvoštallan gieldda koronaepidemiija dili ja jođiheaddji doavttir Minna Jokinen ja Lappi buohccedikšunbiire infekšuvdnaeastadeami ovttadaga ávžžuhusas mearridan joatkit gieldda ráddjendoaimmaid ja ávžžuhusaid. Vuođđodorvolávdegoddi ja čuvgehuslávdegoddi leat odne 12.11.2020 mearridan oassái giddet skuvllaid ja joatkit gáiddusoahpahusa.
Čuovvovaš ráddjendoaimmat ja ávžžuhusat jotkojuvvojit 22.11.2020 rádjai:
Vuođđoskuvllat ja logahagat jotket gáiddusoahpahusas, gáiddusoahpahusa ohppiin lea ain vejolaš viežžat skuvlabiepmu
Nuppi dási oahppolágádusaide nanu ávžžuhus joatkit gáiddusoahpahusa
Nanu ávžžuhus gaskkalduhttit astoáigge- ja searvedoaimma joatkašuvvá
Gielddas lea nanu ávžžuhus das, ahte gielddas doaibmi searvvit gaskkalduhttet buot astoáigge- ja friijaáiggedoaimma siste, mas šaddá čoahkkanit fysalaččat oktii.
Gielda lea šluhtten buot iežas valáštallan- ja kulturdáhpáhusaid sihke -vuoruid. Gielda
ávžžuha gieldalaččaid lihkadit ja buđaldallat iešráđálaččat válddedettiin vuhtii koronadorvvolašvuođa ja garvit lagaš kontávttaid.
Gielddas lea fámus priváhtadilálašvuođaid guoski čoahkkanangielddus nu, ahte oktanaga sáhttet leat čoahkis eanemustá 20 olbmo. Buot fysalaš čoahkkanemiiguin ja sosiálalaš kontávttaiguin galgá váldit vuhtii hygieniarávvagiid, dorvogaskkaid ja nanu ávžžuhus geavahit njálbmesujiid.
Nanu ávžžuhus gaskkalduhttit gallestallamiid joatkašuvvá Buresveadjinguovddáš Sopukka ossodagaide sihke sosiála- ja boarrásiidbarggu ássanbálvalanovttadagaide;
Nutukasa ossodagaiguin Tiuhtas ja Peskis leat fámus dievas gallestallangildosat.
