Oktasašohcan ja ráhkkaneapmi logahatoahpuide

Soađegili logahahkii ohccojuvvo studeret giđa oktasašohcama bakte. Ohcan dáhpáhuvvá elektrovnnalaččat http://www.opintopolku.fi -siiddu bakte.

 

Gávnnat dáppe logahaga oahppobajiid govvádusaid ja oahppoofelačča: https://www.sodankyla.fi/varhaiskasvatus-ja-koulutus/sodankylan-lukio/sodankylan-lukion-opetussuunnitelma-lops2021/opintojaksojen-kuvaus-ja-lukion-opinto-opas/

Logahatskuvlejumi oahppoválljemiin čuvvot oahpahusministeriija ásahusa oktasašohcamis ja ásahusa logahaga studeantaválljema ákkain. Ohcci sáhttá ohcat oktasašohcamis čieža čuozáhahkii.

Giđa 2026 oktasašohcamis logahaga gaskaárvorádji lea 6,7.

Juos logahahkii leat ohcan gelbbolaš ohccit eanet go studeantasajit, studeanttat válljejuvvojit vuođđoskuvlla loahppaduođaštusa lohkanávdnasiid gaskaárvvu mielde. Lohkanávdnasiidda lohkkojit eatnigiella ja girjjálašvuohta, nubbi ruovttueatnanlaš giella, vierisgielat, oskkoldat dehe eallinoaidnodiehtu, historjá, servodatoahppu, matematihkka, fysihkka, kemiija, biologiija, eanandiehtu ja dearvvašvuođadiehtu.

Skuvlejumi lágideaddji sáhttá válljet oasi studeanttain maiddái eará go vuođđooahpahusa loahppaduođaštusa vuođul. Dát sivat leat

  • ohcci lea gaskkalduhttán vuođđoskuvlla,
  • ohccis lea olgoriikkain čađahuvvon skuvlejupmi dehe
  • ohccis lea individualiserejuvvon oahppomearri sihke eatnigielas ja matematihkas.
  • Namuhuvvon dáhpáhusain ohcci válljejuvvo vihkkedallama vuođul, ja dalle skuvlejumi ordnejeaddji galgá árvvoštallat dáid ohcciid eavttuid birget logahatoahpuin.

Soađegili logahagain sáhttá čađahit maiddái duppaldutkosa. Dutkosat dahkkojit ovttasbarggus Redu Soađegili doaibmaovttadagain.
Juos plánet duppaldutkosa, oza oktasašohcamis ámmátlaš dutkosii ja merke ohcamuššii sávaldaga logahatoahpuin (dábálaččat sáhttá válljet merkemiin ruossa namuhuvvon čuoggái).

Studeantaválljema bohtosat gárvánit geassemánus. Studeanttat biddjojuvvojit dan oahppolágádussii, man sii leat ásahan vuosttamužžan. Juos studeantta gaskaárvu ii reahkká beassat vuosttamuš sadjái ásahuvvon logahahkii, vuhtiiváldojuvvo čuovvovaš sadjái ásahuvvon ohcansávaldat. Oktasašohcamis lea vuogas merket eanet go ovtta ohcansávaldaga.

Giđa 2026 oktasašohcama válljemis almmuhuvvo šleađgaboasttain ja válljenreivviin 11.6.26 rájes. Muitte vuostáiváldit iežat studerensaji!

Sáhtát ohcalit Soađegili logahahkii čađahit maiddái ovttaskas logahatgurssaid, itge dárbbat siktet logahaga loahppaduođaštussii dehe studeantačállosiidda.

Soađegili logahagas lea fállun maiddái rávesolbmuid logahatmolssaeaktu, masa sáhttá ohcat oppa áigge.

Ovdalis namuhuvvon dáhpáhusain, váldde aktavuođa logahaga rektor Ari Arvolai.
šleađgaboasta: ari.arvola(at)sodankyla.fi
tlf. 040 1757 990