Sierraoahpahus ja oahppama doarjja

Sivat manne dárbbaha oahppama ja skuvlavázzima doarjaga, sáhttet laktásit ovdamearkka dihte lohkamii, čállimii dehe matematihkkii. Doarjaga viggat fállat oahppái iežas skuvllas iešguđetlágan njuovžilis ordnestallamiiguin.

Sivat oahppama ja skuvlavázzima doarjaga dárbui sáhttet laktásit ovdamearkka dihte lohkamii, čállimii dehe matematihkkii. Doarjaga vigget fállat oahppái iežas skuvllas iešguđetlágan njuovžilis ordnestallamiid bakte. 

Oahppama ja skuvlavázzima doarjun mearkkaša searvvušlaš ja oahppanbirrasii laktáseaddji čovdosiid ja maiddái ohppiid individuála dárbbuide vástideami. 

Mihttomearri lea fállat oahppái oahppama ja skuvlavázzima doarjaga doarvái árrat, soddjilit ja čuovvumiin plána. Doarjja plánejuvvo ovttasbarggus oahpaheddjiiguin, fuolaheddjiiguin ja ohppiin ja lassin dárbbu mielde máŋggafágalaš áššedovdijoavkkus. 

Oahppama ja skuvlavázzima doarjaga ortnet leat ođasnuvvan 1.8.2025 rájes. Ođastusa ulbmil lea sihkkarastit, ahte juohke mánná oažžu dárbbahuvvon doarjaga rievttes áigge ja njuovžilit oassin skuvlla árggas. Doarjaga vigget ordnet nu njuovžilit go vejolaš ja oassin skuvlabeaivvis. Oahpaheaddjit čuvvot lávgalaga ohppiid ovdáneami.  

Manin ođastus dahkkojuvvui?

  • Doarjaga háliidit ordnet čielgaseappot ja ovttaveardásaččabut buot ohppiide. 
  • Ovddit golmmaceahki málle (almmolaš, beavttálnuhtton, sierra doarjja) lea buhttejuvvon ođđa doarjjamálliin, mii deattuha doarjaga, mii addojuvvo joavkkus ja individuála veahki dárbbu mielde. 
  • Mihttomearri lea nannet inklusiivvalašvuođa dehege dan, ahte guđege oahppi sáhttá studeret iežas joavkkus nu guhká go vejolaš. 

Mot doarjja dál doaibmá? 

Joavkodoarjja  

  • Doarjja addojuvvo olles jovkui oassin oahpahusas. 
  • Ovdamearkka dihte sierraoahpaheaddji sáhttá bargat fárrolaga luohkkáoahpaheddjiin. 
  • Dát doarjja ii gáibit sierra mearrádusa. 

Oahppidoarjja  

  • Juos joavkodoarjja ii leat doarvái, oahppi sáhttá oažžut oahppidoarjaga. 
  • Dalle dahkkojuvvo hálddahusmearrádus ja ráhkaduvvo doarjjaplána. 
  • Doarjja sáhttá sisttisdoallat ovdamearkka dihte smávvajoavkooahpahusa, veahkkebálvalusaid je. 

Skuvllain lea dál sirdašuvvanáigi ja dálá mearrádusat beaiváduvvojit ođđa lága mielde maŋimustá borgemánu 2026 rádjái. Skuvllain fuolahit, ahte guđege mánná oažžu dárbbahuvvon doarjaga dalán go dárbu dihtto, vaikko sirdahuvvanáigi vanahanai pedagogalaš báhpáriid beaivádeami.

Oažžubehtet skuvllain dehe Oahpahusráđđehusa neahttasiidduin eambbo dieđuid oahppama doarjaga ođastusas.