Iđđes- ja eahkesbeaidoaibma
Gielda ordne vuođđooahpahuslága mielde iđđes- ja eahkesbeaidoaimma, dat fállojuvvo gieldda skuvllaid vuosttamuš ja nuppi jahkeluohká ohppiide ja eará jahkeluohkáin vuođđooahpahuslága 20 c ja 20 i §:s oaivvilduvvon ohppiide gieldda mearridan viidodagas.
Iđđes- ja eahkesbeaidoaibma lea eaktodáhtolaš. Subjektiivvalaš vuoigatvuohta eahkesbeaidoibmii ii leat, muhto buohkaide viggat ordnet saji dainna eavttuin, ahte oahppi váhnemat leat barggus dehe studerejit.
Eahkesbeairieggás mánná sáhttá oassálastit bagadallojuvvon ja gohccojuvvon doibmii dorvvolaš birrasis, gos sáhttá buđaldit. Eahkesbeairieggás stohket, buđaldit, valáštallet, lihkadit olgun ja borret iđđes- ja gaskabihtá.
Iđđes- ja eahkesbeaidoibmii ohcan
Juos dárbbahehpet mánnáseattet iđđes- ja eahkesbeaidoaimma boahttevaš lohkanjagi 2025–2026, ohcamuša galgá dahkat Wilmas. Eahkesdoaimma joavkkut juhkkojit giđa áigge ja mielde váldet maŋŋeleappos dušše dalle, juos joavkkuin lea sadji. Vejolaš saji ohcanáiggi maŋŋá sáhttá gulaskuddat iđđes- ja eahkesbeaidoaimma koordináhtoris.
Ohcamuš gávdno Wilmas siiddus ohcamušat ja mearrádusat, go čáliha sisa neahttalogana bakte -> ohcamušat ja mearrádusat -> daga ođđa ohcamuša (olgeš badjeravddas) -> iđđes- ja eahkesbeaidoaibma. Ohcamuša ii sáhte dahkat Wilma áppain, muhto baicca galgá čálihit sisa Wilmai neahttalogana bakte.
Tähtikunta skuvllas iđđes- ja eahkesbeaidoaibma ordnejuvvo skuvlla lanjain dii 7–16.30.
Boaittobealgiliid skuvllain ordnejuvvo eahkesbeaidoaibma dušše dalle, juos eahkesbeaidoibmii leat ohcan unnimustá njeallje oahppi.
Ohcamuš lea fámus dan giđa rádjái, go mánás lea vuoigatvuohta oassálastit doibmii, juos fuolaheaddjit eai cealkke saji eret ovdal.
Hás dárkkistehpet, ahte din oktavuođadieđut leat áiggi dásis!
TÄHTIKUNTA SKUVLLA EAHKESBEAIRIEGGÁ GEAVADAGAT
- Eahkesbeairiekkis lea rabas dušše skuvlabeivviid 7–16.30, spiehkastagain sohppojuvvo sierra
- Fuolaheaddjit galget almmuhit eahkesbeairieggá dárbbu maŋimustá álo ovddit vahku mánnodaga, oažžu almmuhit guhkit áigodahkiinai
- Rehket hábmejuvvo ohcamuššii/soahpamuššii várrejuvvon beivviid mielde ib 20/30€ eb 55/75 €
- Juos mánná deaivá leat buohcci dehe eará siva dihte eret, áššis galgá almmuhit eahkesbeairieggái – skuvla ii almmut eahkesbeairieggái.
- Mánná sáhttá vuolgit iešheanalis dušše dalle, juos fuolaheaddji lea almmuhan sihke áššis ja diibmoáiggi goas mánná oažžu vuolgit – máná eai luoitte vuolgit su iežas almmuhusa vuođul, iige soddjilis áigedávvaliin.
- Iđđesbihttá guossohuvvo dii 7.30-8, hás válddát dán vuhtii ja buvttát mánáidat áiggil.
- Gaskabihttá guossohuvvo skuvlla maŋŋel dii 13.30 ja 14 – mánát eai dárbbat iežaset nisttiid dii 14 skuvlabeivviid.
- Leavssuid sáhttet bargat dalán gaskabihtá maŋŋel, juos bearaš sávvá nu. Lohkanleavssut dahkkojuvvojit ruovttus, nappo hás don dárkkistat, leatgo du mánás barggakeahtes hárjehusat.
- Mánát eai oaččo geavahit eahkesbeairieggás iežaset telefovnnaid.
- Mii lihkadit olu olgun, nappo mánáide berre várret mielde biktasiid siivvu mielde ja liigebiktasiid, juos ferte molsut.
- Stoahkama olis mii oahpahallat dehálaš sosiála dáidduid; váldit earáid vuhtii, mot galgá láhttet, dovdodáidduid jna. – mánát bagadallojit doaibmat riekta ja dárbbu mielde ságastallat maiddái fuolaheddjiiguin.
- WhatsApp-joavkkus mii dieđihit/muittuhit áigeguovdilis áššiin. Allet čále persovnnalaš áššiid jovkui, muhto baicca njuolga iežadet eahkesbeairieggá nummarii 040 7626310
- Iđđes mánáid ii galgga guođđit bargoveaga parkerensajiide, dán várás lea mieđuštanguovlu.
- Eahkesbeaidoaimma oktavuođas doaibmá maid earenoamášmánáid joavku, mii ovttasbargat singuin lávgalaga.
Vuođđooahpahusa iđđes- ja eahkesbeaidoaimma hattit 12.8.2020 rájes
Iđđesdoaibma:
1-10 bv/mb = 20 €
badjel 10 bv/mb = 30 €
eahkesbeaidoaibma:
1-10 bv/mb = 55 €
badjel 10 bv/mb = 75 €