Almmolaš dieđut
Soađegili logahat lea unni, liekkas ja oadjebas. Studeanttat leat 87, main oassi čađahit kombinašuvdnadutkosa.
Manin Soađegili logahahkii?
Almmolaš dieđut logahaga birra
- Soađegili logahaga árvovuođu vuođđun leat olmmošvuoigatvuođat, dásseárvu, diehtoáŋgirvuohta, diehtu, demokratiija, utnolašvuohta ja buresveadjin, mat dihttojit konkrehtalaččat skuvlla buot doaimmain, gitta logahaga oahppaplána rájes
• alladásat oahpahus hávskes ja dorvvolaš studerenbirrasis, mas leat buorit studerenlanjat
• STT (Suoma diehtodoaimmahat) logahatveardádallamis giđđat 2024 Suoma unna logahagaid (vuollil 50 studeantta) joavkkus Lappi buoremus ja olles Suomas 7. sajis
• B-luohká vuodjingoartta fállet čakčat 2025 álggahalli logahatohppiide
• Erasmus+ -akkrediterema mielde lassáneaddji riikkaidgaskasaš doaibma lohkanjagi 2025–2026 rájes
Studeren lihkostuvvá
- alladásat almmolašlogahat, mas leat báikkálaš deattuhusat oahpuin, omd. fállun oahppobajit gakcumis ja árktalaš ceavzimis
- atmosfeara, mii vuhtiiváldá studeanttaid ja arvvosnuhttá studeret, ja das vuhtto illu oahppat
- viiddes oahppofállu, ovdamearkka dihte geardduhanoahppobajit ja čiekŋudeaddji oahppobajit
- logahaga olggobealde čađahuvvon oahput dehe dihtomielalaš áiggeájanasdoaimmaid sáhttá dohkkehit logahaga oahppun (omd. Lappi musihkka- ja dánsunoahpahagas ja Revontuli-Opistos čađahuvvon oahput)
- studeanta sáhttá čađahit lohkandiploma valáštallamis, govvadáidagis, musihkas ja dánssas
- viiddes giellafállu: váljagiellan sáhttá studeret sáme-, duiskka-, fránskka- ja ruoššagiela A2-, B2- ja B3-dási oahppun
- vuogas joavkosturrodagat
- studerema dorjot sihke sierraoahpaheaddji ja ávnnasoahpaheaddjit
- iešguđetlágan oahppit vuhtiiváldojit
- buot studeanttat vuhtiiváldojit indiviidan ja sii bagadallojit dihtomielalaš studeremii
Searvevuohta, buresveadjin ja ovttasbargu
- studeanttain lea vejolašvuohta oassálastit ja váikkuhit: studeanttaid searvvi stivra, ovddastus bargoveaga čoahkkimiin ja buresveadjinjoavkkus ja studeantan doaibman dásseárvoáittardeaddjin
- buorit studeantafuolahusa kuráhtorbálvalusat, omd. kuráhtora mánnosaš gáfestallan logahaga feaskkerhállas, kuráhtoris bargolatnja maiddái logahagas
- ovttasbargu skuvlanuoraidbargguin, omd. studeantačálusbeaivvi iđđedis skuvlanuoraidbargu ja/dehe kuráhtor lea báikki nalde válmmasin doarjut vejolaš studeantačálusnođiin
- ovttasbargu Soađegili geofysihka observatoriain (omd. guovssahaskámera), Dálkediehtaga lágádusa ja Värriö dutkanstašuvnnain
- ovttasbargu Lappi skuvlenguovddážiin REDU:in: logahagas sáhttá čađahit kombinašuvdnadutkosa dehege studeantadutkosa lassin ámmátlaš dutkosa
- aktiivvalaš allaskuvla- ja bargoeallinovttasbargu
- juohke jagi oahpásnuvvet Lappi ja Oulu universitehtaide ja Lappi ja Oulu ámmátallaskuvllaide
- oassálastit Lappi allaskuvlavahkuide, ja dalle studeanta sáhttá iežas ruovttologahagas čađahit allaskuvlaoahpuid (omd. dálkediehtaga vuođđooahput, 2 oč) dehe mannat ovtta vahkkui studeret muhtin allaskuvlii
- jahkásaččat oassálastet Oulu universitehta Shaking up Tech -dáhpáhussii, mii lea universitehtaid jahkásaš dáhpáhus ámmátválljejumi áigge nuorra nissoniidda ja sohkabealleunnitloguide
- logahatoahppit ávkkástallet Lappi ámmátallaskuvlla allaskuvlaoahpuid bálggesoahpuid (väyläopinto) ja Oulu ámmátallaskuvlla Highway-oahpuid, maidda ohcalit logahatáigge oahppobagadalli bakte ja čađahuvvojit ámmátallaskuvlla vuosttamuš jagi oahput 15 oahppočuoggá iešheanalis logahatáigge (Lappi ámmátallaskuvllas sáhttá studeret maiddái jagi logahaga maŋŋá), man maŋŋá sáhttá beassat ámmátallaskuvlii studeret dan suorgái, man lea studeren. Juo čađahuvvon oahput dohkkehuvvojit oassin AMK-oahpuin.
- studeanttaid mielde logahagas lea buorre oktasašvuoigŋa
- logahaga searvvušlašvuohta hábmejuvvo ja dorjojuvvo ovdamearkka dihte searvádanbottuin eahkesbeaivve dalán lohkanjagi álggus ja iešguđetlágan dáhpáhusaiguin lohkanjagi áigge, ee. studeanttaid searvvi lágidan temábivttasvahkuiguin ja ávvudoaluin (omd. Halloween-dáhpáhus logahagas golggotmánus bearjadateahkedis dehe čakčalohkanbaji maŋimuš beaivve juovlafeasta)
- aktiivvalaš alumnadoaibma: Soađegili logahagas válmmastuvvan oahppit fitnet jahkásaččat ovdanbuktime oahpuideaset logahaga maŋŋá ja ámmátválljejumiideaset
