Skuvlii dieđiheapmi
Dieđiheapmi vuođđooahpahusa vuosttamuš luohkkái, árrabajásgeassima ovdaoahpahussii (girkosiida), boaittobealgiliid ovdaoahpahussii dáhpáhuvvá elektrovnnalaččat Wilma-vuogádagas.
Fuolaheddjiide sáddejuvvojit rávvagat dieđiheami birra Wilma bakte.
Soađegili gielda lea akta aktilaš oahppinváldinguovlu (oppilaaksiottoalue), gos 1.8.2023 rájes doibmet čuovvovaš vuođđoskuvllat:
- Tähtikunta skuvla
- Vuohču skuvla
- Torvinen skuvla
- Järvikylät skuvla
Gielda čujuha oahppái saji lagasskuvllas, gos vuođđooahpahuslága 4 § 1 ja 2 momeantta mielde addojuvvo oahpahus dainna oahppi iežas gillii, mainna gielda lea geatnegas ordnet oahpahusa.
Jagi 2025 skuvlii dieđihuvvo 17.2.–7.3.2025. Juos fárrebehtet eará báikái gaskan lohkanjagi, váldet oktavuođa skuvllaid rektoriidda.
Tähtikunta skuvlla davvisámegiela giellalávgunluohkká
Davvisámegielat giellalávgunoahpahus lea oaivvilduvvon daidda ohppiide, geat eai huma sámegiela ruovttugiellaneaset, muhto geaid bearrašis sávvet máná bajásšaddat guovttegielagin. Giellabeassi árrabajásgeassinbáikin addá buori vuođu joatkit giellalávgunoahpahusas. Oahpahussii sáhttet muhtin dáhpáhusain váldit mielde maid oahppi, guhte ii leat leamaš giellabeasis, juos sus muđui leat eavttut oassálastit guovttegielat oahpahussii. Juos oahppi eatnigiella ii leat goabbáge oahpahusgielain, ferte earenoamážit fuolahit das, ahte son juksá doarvái buori giellamáhtu skuvlla oahpahusgielain.
Eambbo dieđuid skuvlii dieđiheames addiba skuvlačállit
tel. 040 535 5436
tel. 040 359 2944